Fyrsti vetrarsnjórinn hrellir Dani, Eyrarsundsbrúin lokaðist

Fyrsta vetrarsnjónum kyngdi niður í Danmörku í nótt og í morgun og hefur það valdið töluverðum umferðartruflunum. Varað er við hálku og ísingu á öllum vegum landsins nema á Lálandi og Falster.

Eyrarsundsbrúin, milli Danmerkur og Svíþjóðar, lokaðist í báðar áttir nærri þrjá tíma í morgun eftir að flutningabíll valt þar í fljúgandi hálku.

Torben Kristensen vaktstjóri hjá dönsku vegagerðinni segir í samtali við danska ríkisútvarpið að hann sé glaður yfir því að það sé sunnudagur og því margir sem enn liggi undir sæng. Ef þetta væri mánudagsmorgun liti staðan öðruvísi og verr út.