Afríkumenn safna ofnum fyrir kalda Norðmenn

Afríkubúar hafa hafið söfnun á ofnum fyrir íbúa Noregs vegna landlægs kulda þar í landi. Í myndbandi sem fylgir fréttinni er lag, svona í anda hjálpum þeim lagsins sem Íslendingar þekkja vel, þar sem íbúar Afríku skora á íbúa þessarar hlýju heimsálfu að aðstoða ísskalda Norðmenn með ofnasöfnun.

Jú, þetta er grín, en samt ekki.

Það eru norskir stúdentar ásamt alþjóðlegum hjálparsöfnuði (The Norwegian Students' and Academics' International Assistance Fund (www.saih.no)) sem búa til myndbandið. Tilgangurinn með myndbandinu er að breyta ákveðnum ranghugmyndum um ástandið í Afríku og hugsanlega óheilnæma aðstoð Vesturlandabúa sem hefur skaðleg áhrif á lönd innan Afríku. Þá vilja stúdentar einnig meina að vandamálið í Afríku hafi verið einfalda full mikið.

Hér fyrir ofan má sjá myndbandið og á vef Youtube má finna frekari útskýringar á þessu myndbandi og skoðunum þeirra sem að því standa.