Páfinn ósammála mörgu sem þykja staðreyndir í kristnum fræðum

Benedikt páfi 16. hefur gefið út þriðja bindi sitt af ævisögu Jesús Krists. Í því er fjallað um líf frelsarans frá því hann fæddist og þar til hann varð 12 ára gamall.

Í umfjöllun um málið á BBC segir að þessi ævisaga Jesú sem páfinn hefur skrifað sé fræðirit en ekki trúarrit. Í því kemur fram að Benedikt 16. telur að getnaður Jesú Krists hafi ekki verið í gegnum samfarir heldur í gegnum heilagan anda. Páfinn segir að þetta atriði ásamt upprisunni sé hornsteinn kristinnar trúar af því að þar komi fram vald guðs yfir efninu.

Páfinn er ósammála mörgu sem þykja staðreyndir í kristnum fræðum í dag þar á meðal hvert sé fæðingarár Jesú Krists. Páfinn segir að munkur hafi klúðrað þeirri dagsetningu. Raunar eru margir fræðimenn sammála þessari skoðun páfans og telja að Jesú hafi í raun fæðst árið 7 fyrir Krist að okkar tímatali.

Önnur heilög kýr kristinna fræða sem páfinn er ekki sammála er að dýr hafi verið viðstödd fæðingu frelsarans. Páfinn segir að engar sannanir fyrir því sé að finna í guðsspjöllunum.