Hector "Macho" látinn

Fyrrum heimsmeistarinn í hnefaleik, Hector "Macho" Camacho, lést í morgun eftir að læknar tóku öndunarvél, sem hann var tengdur við, úr sambandi. Boxarinn var skotinn í höfuðið í síðasta mánuði og var úrskurðaður heiladauður í kjölfarið.

Síðustu vikur hefur hann ekki sýnt nein batamerki og samkvæmt frétt BBC var það móðir hans sem tók þá ákvörðun að taka öndunarvélina úr sambandi. Ferill Camacho var ansi skrautlegur og hann glímdi við áfengis- og fíkniefnavandamál allan sinn feril.

Lögreglan hefur ekki handtekið neinn vegna málsins.