Sandý kostaði 7.800 milljarða

Tjón sem hlaust af völum fellibylsins Sandý í New York og New Jersey í síðasta mánuði er talið nema rúmlega 7.800 milljörðum íslenskra króna.

Andrew Cuomo, ríkisstjóri í New York, hefur biðlað til yfirvalda í Bandaríkjunum um að aðstoða við fjármögnun endurreisnarstarfsins.

Borgarstjórinn í New York, Michael Bloomberg, tók í sama streng. Hann sagði í dag að heildartjón í New Yorkborg nemi 19 milljörðum bandaríkjadala, eða það sem nemur tæpum 2.400 milljörðum íslenskra króna.

Samkvæmt þessum áætlunum er ljóst að heildartjón af völdum Sandý var meira en í tilfelli Katrínu, sem reið yfir New Orleans og Louisiana árið 2005.

Manntjón af völdum Katrínu var þó mun hærra en rúmlega 1.800 manns fórust í hamförunum. Talið er að um 110 manns hafi fallið á austurströnd Bandaríkjanna þegar Sandý gekk á land.