Óhugnalegur hrekkur vekur gríðarlega athygli

Hrekkur sem brasilíski sjónvarpsþátturinn Programa Silvio Santos stóð fyrir fer nú sem eldur um sinu á veraldarvefnum.

í myndbandinu má sjá nokkra grunlausa vegfarendur ganga inn í lyftu. Þeir velja hæð og hurðin lokast. Um hæl slokkna ljósin. Í myrkrinu skríður lítil stúlka undan veggklæðningunni. Hún starir síðan á viðkomandi þegar ljósin koma aftur. Öðru hverju öskrar hún á farþegann.

Stúlkan svipar um margt til hinnar hræðilegu Samöru úr kvikmyndinni The Ring.

Hægt er að sjá myndbandið hér fyrir ofan.