Sólarhringur án ofbeldisglæpa í New York - lögreglumenn gáttaðir

Þó ótrúlegt megi virðast var ekkert morð framið í New York-borg á mánudag síðastliðinn. Enginn var skotinn og engum sýnt banatilræði. Er þetta í fyrsta sinn í manna minnum sem slíkt gerist.

Það sem af er ári hafa 366 morð verið framin í borginni og eru þau hlutfallslega færri í New York en í öðrum stórborgum í Bandaríkjunum. Á síðasta ári rannsakaði lögreglan í New York 472 morð. Þannig hefur morðum fækkað um 23 prósent.

Tíðni glæpa hefur þó aukist um 3 prósent ár. Stórþjófnuðum hefur fjölgað um 9 prósent en sú aukning er rakin til snjallsíma og stuld á þeim.