Gríska þingið samþykkti ný fjárlög fyrir næsta ár

Gríska þingið samþykkti ný fjárlög fyrir næsta ár seint í gærkvöldi en í þeim er að finna gífurlegan niðurskurð í rekstri ríkisins og sparnað á flestum sviðum hins opinbera í Grikklandi.

Fjárlögin munu liðka til fyrir næstu greiðslum á neyðarláni Alþjóðagjaldeyrissjóðsins og Evrópusambandsins til Grikklands. Væntanlega fá grísk stjórnvöld því útborgaða uppphæð sem nemur um 5.000 milljörðum króna og komast þar með hjá því að lýsa landið gjaldþrota að því er segir í frétt á börsen um málið.

Í fjárlögunum er m.a. gert ráð fyrir að eftirlaunaaldurinn verði hækkaður í 67 ár og lágmarkslaun verði lækkuð.