Lögreglan í Paragvæ lagði hald á 1.700 kg af kókaíni

Fíkniefnalögreglan í Paragvæ lagði hald á 1.700 kíló af kókaíni á litlum flugvelli við landamærin að Brasilíu um helgina. Verið var að undirbúa flutning á kókaíninu með litlum flugvélum yfir landamærin.

Í frétt um málið á vefsíðu BBC segir að tuttugu manns hafi verið handteknir á flugvellinum, þar á meðal Ezequiel de Souza sem verið hefur lengi á toppi lista lögreglunnar í Paragvæ yfir eftirlýsta glæpamenn. Einng var lagt hald á nokkurt magn vopna.

Lögreglan segir að þetta sé mesta magn af kókaíni sem lagt hefur verið hald á í einu í Suður Ameríku í ár.