Stór jarðskjálfti skók Gvatemala að nýju

Jarðskjálfti upp á rúmlega sex stig skók Gvatemala í gærkvöldi aðeins nokkrum dögum eftir að mjög öflugur jarðskjálfti kostaði 52 manns lífið í landinu.

Upptök skjálftans í gærkvöldi voru undan Kyrrahafsströnd Gvatemala en hann fannst vel í Mexíkó og El Salvador. Ekki hafa borist fréttir af mannfalli eða skemmdum á húsum í þessum skjálfta.

Enn er 22 manna saknað eftir skjálftan fyrir nokkrum dögum en hann var upp á yfir 7 stig og sá öflugasti í landinu frá árinu 1976. Um 2.000 hermenn eru nú á skjálftasvæðinu við björgunarstörf.