Undarlegt háttalag hjartardýra vekur furðu

Náttúruverndarsamtök í Idaho í Bandaríkjunum standa ráðþrota gagnvart heldur undarlegri hegðun hjartardýra í suðurhluta ríkisins.

Nokkur hundruð dádýr og hreindýr hafa drepist eftir að hafa stokkið af rúmlega 36 metra hárri brú.

Fjölmargir ökumenn hafa haft samband við yfirvöld á svæðinu og tilkynnt um háttalag dýranna. Sérfræðingar telja að stöðug umferð bíla orsaki þessa hegðun. Dýrin sjái sér ekki annað fært að stökkva af brúnni þegar bílar nálgist.

„Það fyrsta sem dýrin gera er að forða sér," sagði Evin Oneale hjá Skot- og fiskveiðisamtökum Idaho. „Hjartardýrin standa vafalaust í þeirri trú að fyrir neðan sé aðeins grunn gryfja. Því miður er fallið um 36 metrar."

Það er bandaríska fréttastofan CBS sem greinir frá þessu.