Danskir prestar ósáttir við opinberar jarðarfarir

Prestar í Kaupmannahöfn og víðar í Danmörku gagnrýna sveitar- og bæjarstjórnir fyrir að beita sér ekki nægilega í því að finna ættingja fólks sem jarðað er á kostnað hins opinbera.

Eins og við sögðum frá í síðustu viku þarf hið opinbera í Danmörku, það er sveitar- eða bæjar og borgarstjórnir að standa straum af kostnaði við yfir 1300 jarðarfarir á hverju ári. Ástæðan er að ættingjar viðkomandi eru ekki til eða þá að þeir segja að þeir hafi ekki efni á jarðarförinni. Venjuleg jarðarför á vegum hins opinbera kostar danska skattgreiðendur rúmlega 10.000 danskar krónur eða vel rúmlega 200.000 kr. í hvert sinn.

Prestar í Kaupmannahöfn og víðar hafa brugðist hart við þessum fréttum og segja að aukinn kostnað við jarðarfarir á þessum forsendum sé auðvelt að skýra með leti þeirra starfsmanna sem eigi að finna ættingja þess sem jarða á.

Vandamálið kemur harðast niður á Kaupmannahöfn sem hefur þurft að standa fyrir 350 jarðarförum á eigin kostnað í ár. Einn af prestum borgarinnar segir í samtali við Politiken að borgin hefði getað sparað sér verulegan kostnað með því að hafa uppi á ættingjum þeirra sem jarðaðir voru.