Materrazzi birti mynd af sér við styttuna í París

Marco Materazzi lét mynda sig við styttu sem var reist í París til minningar um frægt atvik í úrslitaleik HM 2006, er Zinedine Zidane skallaði í bringu Materazzi.

Myndina birti hann á Twitter-síðu sinni og fékk sterk viðbrögð. Atvikið er eitt hið frægasta í íþróttasögunni. Zidane var rekinn af velli og Ítalir urðu heimsmeistara eftir sigur í vítaspyrnukeppni.

Umrædd stytta er 5 metra há og gerð úr bronsi. Hún stendur fyrir utan Pompidou-listasafnið í París en listamaðurinn Adel Abdessemed á heiðurinn að henni. Hann á ættir að rekja til Alsír, rétt eins og Zidane sjálfur.