Nær enginn munur á Obama og Romney

Ný skoðanakönnun í Bandaríkjunum sýnir að enn munar svo litlu á þeim Barack Obama Bandaríkjaforseta og Mitt Romney að ómögulegt er að segja til um úrslitin á kjördag í næstu viku.

Könnun sem gerð var af Reuters og Ipsos sýnir að Obama er með 47% fylgi á móti 46% fylgi hjá Romney.

Þegar fólk var spurt hverju það spáði um úrslitin voru 53% af skráðum kjósendum á því að Obama myndi sigra en aðeins 29% töldu að Romney ætti möguleika á sigri.

Áhrifa frá ofsaveðrinu Sandy gætir ekki í þessari könnun því hún var gerð áður en veðrið skall á í gærdag.