Myrti fimm mánaða gamlan son sinn með Kóraninum

Tuttugu og átta ára gömul kona í Svíþjóð hefur játað að hafa kæft fimm mánaða gamlan son sinn með eintaki Kóraninum. Hún bar fyrir dóminum að morðið hafi verið framið í stundarbrjálæði.

„Ég vildi ekki drepa hann, ég vildi bjarga honum," hefur Aftonbladet eftir konunni. Málflutningur í máli hennar hófst í dag í vestur Svíþjóð.

Atvikið átti sér stað í júlí á þessu ári. Eiginmaður konunnar kom þá heim úr vinnu og fann lík barnsins. Augljóst er að konan barði son sinn ítrekað og kæfði að lokum.

Konan var handtekin og ákærð fyrir morð. Hún gekkst við ásökununum en sagði að martraðakenndar sýnir hefðu knúið hana til þess að myrða barnið.

„Ég sá horn á höfði barnsins," sagði konan. „Og vínviður óx út úr líkama hans. Síðan sá ég höfuð aldraðs manns á barninu. Ég vildi bjarga honum, ekki drepa."

Frá því að konan var handtekin í júlí hefur hún verið vistuð á réttargeðdeild. Að mati geðlækna var konan ekki ábyrg gjörða sinna.

Eiginmaður konunnar gaf einnig skýrslu í dag. Hann sagðist harma atvikið. Engu að síður lýsti hann eiginkonu sinni sem ljúfri manneskju.

„Hún var góð móðir og góð eiginkoan," sagði eiginmaðurinn. „Ég vona að hún fái nú þá hjálp sem hún þarfnast."