Ísraelski sjóherinn stöðvar skip á leið til Gasa

Ísraelski sjóherinn stöðvaði í mörgun för skipsins Estelle í miðjarðarhafi en skipið hafði freistað þess að rjúfa hafnarbann Ísraelsmanna og var á leið til Gaza-strandarinnar en borð voru evrópskir og kanadískir aðgerðarsinnar sem sagðir eru hlynntir Palestínu. Talsmaður ísraelska sjóhersins segir að engir skipverjar hafi orðið fyrir skaða í aðgerðunum þegar för skipsins var stöðvuð, en frá þessu er greint á fréttavef Reuters. Um borð voru evrópskir og kanadískir aðgerðasinnar og einhverjir ísraelskir ríkisborgarar. Skipið hafði virt að vettugi skipanir landhelgisgæslu um að breyta siglingaleið sinni. Þá var för þess stöðvuð og því beint til hafnar ísraelsku borgarinnar Ashdod. Farmur skipsins var ætlaður til mannúðarstarfs í Palestínu en þar var um að ræða sement, barnabækur og fleira. Ísraelsmenn hafa sett strangt hafnarbann á Gaza-svæðinu en Ísraelsmenn hafa sagt það nauðsynlegt til að draga úr vopnasmygli en vopnum hefur verið smyglað, meðal annars til Hamas-samtakanna með umræddri siglingaleið. Ísraelsmenn hafa ítrekað stöðvað för skipa í átt að Gaza. Í maí 2010 voru níu tyrkneskir aðgerðasinnar skotnir til bana af ísraelska sjóhernum í átökum um borð í skipi sem hafði virt að vettugi kröfu landhelgisgæslu um að breyta siglingaleið og freistað þess að sigla til Gaza.