Skotmaðurinn í Milwaukee framdi sjálfsmorð

Fjórir féllu og fjórir særðust í skotárás í baðhúsi og hárgreiðslustofu í úthverfi Milwaukee-borgar í Bandaríkjunum í gær. Einn þeirra sem féllu er skotárárarmaðurinn en hann fannst í gærkvöldi inni á baðhúsinu og hafði greinilega framið sjálfsmorð eftir áráina.

Skotmaðurinn fannst ekki strax þar sem hann hafði komið fyrir sprengju í baðhúsinu og því var ekki talið óhætt að leita þar fyrr en nokkru eftir árásina.

Ekki er vitað um ástæður þess að maðurinn, sem er 45 ára gamall, gerði þessa árás en fyrrverandi eiginkona hans vinnur í baðhúsinu.