Trúðaráðstefna haldin í Mexíkó - vilja meiri virðingu

Ef þú ert hræddur við trúða, þá ættir þú líklega að hætta lestrinum hér. Hundruðir trúða komu saman í Nýju Mexíkó á sautjándu trúðaráðstefnunni sem haldin er í landinu. Talið er að um tíu þúsund atvinnutrúðar séu í landinu og hafi helgað líf sitt að kalla fram hlátur barna.

Tilgangur ráðstefnunnar er meðal annars að auka virðingu atvinnutrúðsins og fá víðtækari stuðning úr samfélaginu.

Sergio Cabas, eða "El Payaso Perolito", sem útleggst íslensku sem trúðurinn Perolito, segir í viðtali við Reuters að trúðslætin séu köllun. „Þetta er atvinna. Trúður þarf að vera viðkvæmur og elska listina sína. Ekki aðeins barnanna vegna, heldur einnig vegna fjölskyldunnar," segir Perolito og bætir við að fjölskyldur í Mexíkó þurfi smá hlátur til þess að takast á við stóraukið ofbeldi í landinu.

Hægt er að horfa á myndskeið með trúðunum hér.