Engir bardagar eða átök í Sýrlandi í morgun

Engir bardagar eða átök hafa verið í Sýrlandi í morgun en fjögurra daga vopnahlé hófst í landinu klukkan sex að staðartíma.

Þetta er í fyrsta sinn sem tekist hefur að koma á vopnahléi í Sýrlandi síðan að átökin hófust þar í landi í mars í fyrra. Vopnahléið er tilkomið vegna þess að árlegar pílagrímsferðir múslima til Mekka eru að hefjast.

Vopnahléið mun gera Rauða krossinum og Sameinuðu þjóðunum kleyft að koma vistum og læknisgögnum til afskekktra héraða í landinu.