Óhugnanlegt morð í New York

Barnfóstra sem grunuð er um að hafa stungið tvö börn í hennar umsjá til bana í New York fyrir helgi er í lífshættu, en hún reyndi að svipta sig lífi. Lögregla hefur enn ekki getað yfirheyrt hana vegna málsins, sem vakið hefur mikinn óhug vestanhafs.

Börnin tvö voru tveggja og sex ára en þau fundust látin í baðkeri á heimili sínu, bæði með nokkur stungusár á líkama sínum. Þegar móðir þeirra kom heim með þriðja barnið, sem er þriggja ára og sá hvað hafði gerst mætti barnfóstran henni. Hún reyndi þá að svipta sig lífi með sama hnífi og notaður hafði verið í árásinni á börnin.

Lögreglan rannsakar nú bakgrunn barnfóstrunar en hefur enn ekki fundið neitt sem gæti útskýrt þetta voðaverk

„Hún er borgari. Mér er sagt að hún hafi búið í landinu í áratug. Hún fékk ríkisborgararétt hér. Hún hefur starfað hjá fjölskyldunni í um tvö ár. Önnur fjölskylda mælti með henni. Hún var alltaf glaðleg þegar ég hitti hana. Það var eins og hún nyti þess að vera með systrum sínum og frænda," segir Ray Kelly, lögreglustjóri í New York.

Það eru mörg þúsund fjölskyldur í New York borg sem hafa barnfóstrur í vinnu og þessi atuburður verður án efa til þess að margar þeirri kanni bakgrunn þeirra sem ráðini eru til starfs enn betur