Rannsaka þjófnað á skjölum úr bandaríska Þjóðskjalasafninu

Bandaríska Þjóðskjalasafnið hefur komið á fót rannsóknarnefnd til að kanna það sem virðist vera skipulagður þjófnaður á skjölum úr safninu í gegnum árin.

Þetta kom fram í fréttaskýringaþættinum 60 Minutes á CBS sjónvarpsstöðinni í gærkvöldi.

Meðal þeirra skjala sem horfin eru úr safninu er fyrsta einkaleyfi þeirra Wright bræðra á teikningum af fyrstu flugvél sinni árið 1903, flugkortin sem notuð voru þegar kjarnorkusprengjum var varpað á Hiroshima og Nagasaki í ágúst 1945 og upprunalegir vitnisburðir sjónarvotta að Hindenburg slysinu árið 1937.