Blair vill forseta yfir Evrópusambandið

Tony Blair, fyrrverandi forsætisráðherra Breta, segir að Evrópusambandið ætti að hafa kjörinn forseta. Hann vill alls ekki að Bretar yfirgefi Evrópusambandið og segir að það gæti leitt til mikillar sundrungar.

„Þessi evrukrísa gæti leitt til þess að við myndum finna leið til þess að gera samruna Evrópulananna raunverulegan og langvarandi,‟ sagði Blair. Kosning um gjörvalla Evrópu um forseta er án efa bsta leiðin til þess að gefa almenningi kost á að taka þátt í ferlinu," bætti Blair við, að því er fram kemur á vef Daily Telegraph.

Blaðið segir að sumir telji að Blair sjái sjálfan sig fyrir sér í embætti forsetans.