Anonymous hætt að styðja Wikileaks vegna Assange

Tölvuþrjótasamtökin Anonymous hafa hætt stuðingi sínum við Wikileaks. Financial Times segir frá þessu og þar kemur fram að Anonymous samtökin séu mjög óánægð með framkomu og gjörðir Julian Assange á undanförnum mánuðum.

Segja Anonymous-menn að Assange hafi breytt Wikileaks í eins manns sýningu og að grundvöllurinn að baki Wikileaks hafi verið eyðilagður af yfirblásnu egói Assange.

Anonymous hefur oft sýnt stuðing sinn við Wikileaks í verki. Má þar nefna tölvuárásir á greiðslukortafyrirtæki eins og MasterCard og Visa þegar þessi fyrirtæki skrúfuðu fyrir fjárframlög til Wikileaks í gegnum greiðsluþjónustur sínar.