Læknar bjartsýnir á að Malala muni ná sér

Læknar í Bretlandi eru bjartsýnir á að hin 14 ára gamla pakistanska stúlka Malala Yousafzai muni ná sér eftir skotárársina sem hún varð fyrir af hendi Talibana. Fjarlægja þurfti byssukúlu úr höfði hennar.

Malala var flutt til Bretlands í gærdag og liggur nú á Queen Elizabeth sjúkrahúsinu í Birmingham.

Talibanar réðustu á stúlkuna og tvær vinkonur hennar fyrir viku síðan sökum þess að Malala hefur ákaft barist fyrir menntun fyrir stúlkur í Pakistan. Talibanar hafa þar að auki hótað því að þeir muni ráðasta á Malala að nýju ef þeir fái tækifæri til slíks.

Læknar á Queen Elizabeth sjúkrahúsinu munu greina nánar frá batahorfum Malala á blaðamannafundi í dag að því er segir á vefsíðu BBC.