Rwanda náði sæti í öryggisráðinu en ekki Finnar

Fimm þjóðir voru kosnar til næstu tveggja ára í lausasætin í öryggisráði Sameinuðu þjóðanna í gær þar á meðal Rwanda.

Í frétt um málið á vefsíðu BBC segir að kosningarnar hafi farið fram degi eftir að nýrri skýrslu Sameinuðu þjóðanna um stuðning Rwanda við uppreisnarmenn í nágrannalandinu Kongó var lekið til fjölmiðla.

Hinar þjóðirnar fjórar voru Argentína, Ástralía, Suður-Kórea og Lúxemborg. Finnland reyndi að ná einu af þessum fimm sætum en án árangurs.

Allar Norðurlandaþjóðirnar, þar á meðal Ísland, studdu framboð Finna í öryggisráðið.