Man. City reynir að kaupa Jovetic

Eigendur Man. City virðast ætla að verða við óskum stjórans, Roberto Mancini, um nýja leikmenn því félagið er nú í viðræðum við Fiorentina um að kaupa Stevan Jovetic.

City er til í að greiða tæplega 24 milljónir punda fyrir þennan 22 ára gamla framherja.

Jovetic hefur verið í herbúðum Fiorentina síðan 2008 er hann kom frá Partizan Belgrad. Hann hefur verið sterklega orðaður við önnur félög í allt sumar.

Sjálfur vill hann komast frá Fiorentina í sterkara félag en forráðamenn Fiorentina hafa ekki viljað sleppa honum hingað til.