Erlent

Tony Scott stökk fram af brú

BBI skrifar
Yfirvöld í Bandaríkjunum hafa staðfest að Tony Scott, leikstjóri, hafi látist við að stökkva fram af Los Angeles brúnni. Málið er rannsakað sem sjálfsmorðsmál. Nokkrir einstaklingar hringdu í neyðarlínu Bandaríkjanna, 911, á svipuðum tíma og tilkynntu að einhver hefði stokkið fram af brúnni. Síðar fundust sjálfsmorðsbréf á skrifstofu hans. The New York Times greinir frá þessu.

Tony Scott er einkum þekktur fyrir myndir á borð við Top Gun, Days of Thundur og Beverly Hills Cop 2. Hann var bróðir leikstjórans Ridley Scott.


Tengdar fréttir

Tony Scott látinn

Breski leikstjórinn Tony Scott er látinn sextíu og átta ára að aldri. Samkvæmt fréttastofunni AP sást leikstjórinn klifra upp á grindverk á Vincent Thomas-brúnni í Kaliforníu í gær og hoppa niður. Bandaríska strandgæslan fann svo lík leikstjórans með hitamyndavélum í nótt og bíl hans skammt frá brúnni. Scott var þekktastur fyrir að hafa gert bíómyndir á borð við Top Gun og Days of Thunder. Hann var bróðir leikstjórans Ridley Scott.

Mest lesið


Fleiri fréttir

Sjá meira


×

Mest lesið