Hvað skal gera ef barnið kemur að innbroti á heimili sínu

Sjóvá hefur gefið út leiðbeiningar fyrir foreldra og börn varðandi atriði eins og þjófnað, öryggi fatnaðar og fleira. Það er Fjóla Guðjónsdóttir, forstöðumaður forvarna hjá Sjóvá sem bendir á nokkur góð ráð nú í skólabyrjun.

Hér fyrir neðan má kynna sér ráðin.

Er leiðin í skólann örugg?

• Gakktu með barninu í skólann og kenndu því að fara öruggustu leiðina.

• Farðu yfir umferðarreglurnar með barninu.

• Talaðu við barnið um hugsanlegar hættur á leiðinni.

• Ef barnið þarf að fara yfir götu þá þarf að kenna því að gera það á öruggan hátt.

• Talaðu við barnið þitt um hvar má fara yfir götu.

• Legðu að barninu að fara yfir götu á gangbrautum og nota umferðarljós.

• Mundu að yngri börn geta ekki metið umferðarhraða á sama hátt og fullorðnir. Þau misreikna því fjarlægðir og er hættara við að lenda í slysum.

Hvernig fer barnið í skólann?

• Kannaðu hvort barnið megi koma í skólann á reiðhjóli og hvort nota megi hjól á skólalóðinni.

• Ítrekaðu fyrir barninu að hjóla á gangstígum, ekki götunni.

• Samkvæmt lögum þá eiga börn að nota hjálm á reiðhjólum þar til þau eru 15 ára.

• Farðu yfir ástand hjálmsins og stilltu hann vel á höfuð barnsins.

• Á www.sjova.is er að finna upplýsingar um rétta stillingu reiðhjólahjálma.

• Minntu barnið á að læsa hjólinu.

• Reiðhjól eiga að vera útbúin með ljósi að framan og með gliti að aftan.

• Þú sem foreldri verður að stjórna því að börn séu ekki að fara á reiðhjólum í skólann þegar myrkur er á morgnana og allra veðra er von.

• Ef þú ekur barninu í skólann, passaðu þig þá á að setja það út við gangstétt eða göngustíg, ekki á miðju bílaplani eða út í umferð.

• Notaðu alltaf viðeigandi öryggisbúnað sem hentar þyngd og stærð barnsins þegar farið er í bíl í skólann, líka þótt vegalengdin sé stutt.

Endurskinsmerki og fatnaður

• Saumaðu, límdu eða festu endurskinsmerki í jakka, úlpur og skólatöskur barna þinna ef slíkt er ekki til staðar.

• Farðu yfir það reglulega yfir veturinn hvort endurskinsmerkin séu á sínum stað.

• Fjarlægðu allar reimar og lykkjur úr fatnaði barna, sérstaklega ef slíkt er í hálsmáli fatnaðar.

• Styttið böndin í léttum bakpokum og brýnið fyrir börnum að vefja þeim ekki um hálsinn á sér.

SKÓLINN BYRJAR- Lyklabörn

• Geymdu aukalykla hjá nágrönnum eða bekkjarfélögum ef það er hægt.

• Farðu yfir það með barninu hvað það á að gera ef það gleymir lyklum og er læst úti.

· Aldrei má geyma lykla undir mottunni

· Brýndu fyrir börnum og unglingum á heimilinu að loka vel gluggum þegar farið er að heiman.

Innbrot – hvað á barnið þitt að gera

Mörg börn koma heim á undan öðrum í fjölskyldunni og því skiptir máli að kenna þeim rétt viðbrögð ef þau telja að brotist hafi verið inn heima hjá ykkur.

• Ekki fara inn ef þú kemur heim og gluggi er brotinn eða útidyrahurðin opin og þú veist að enginn á að vera heima. Haltu ró þinni, ekki leika hetju, þú veist ekki hversu margir þjófarnir eru eða í hvaða ástandi þeir eru.

• Hringdu á hjálp ef þú ert með síma.

• Það er alltaf hægt að hringja í 1-1-2, líka þegar þú átt ekki inneign.

• Ef þú ert ekki með síma farðu þá til nágrannans eða vinar og biddu hann að hringja á lögregluna eða aðstoða þig.

• Ef þú sérð bíl eða manneskju fara af vettvangi reyndu þá að taka niður númer bílsins og/eða leggja á minnið útlit bíls eða einstaklings, jafnvel taka mynd á símann. Reglur um útivistartíma 1. september til 1. maí.

• Börn 12 ára og yngri mega ekki vera á almannafæri eftir kl. 20.00 nema í fylgd með fullorðnum.

• Börn á aldrinum 13 til 16 ára skulu ekki vera á almannafæri eftir kl. 22.00 nema þau séu á heimferð frá viðurkenndri skóla-, íþrótta- eða æskulýðssamkomu.

• Börnum yngri en 14 ára er ekki heimill aðgangur að leiktækjastöðum nema í fylgd með forráðamönnum.

Þjófnaðir

Sjóvá minnir foreldra og forráðamenn barna á að verðmæti eins og iPod og fartölvur fást sjaldan að fullu bætt sé þeim stolið úr skólanum.

• Brýnið fyrir börnum að gæta vel að verðmætum ef þau eru tekin með í skólann.

• Ekki er ráðlagt að geyma síma eða iPod í úlpum á gangi eða í ólæstum hirslum.

• Skólar tryggja almennt ekki persónulegan búnað nemenda á borð við fartölvur.

• Hægt er að kaupa sérstaka fartölvutryggingu.