Erlent

Myrti fyrst yfirmanninn sinn

Frá aðgerðum lögreglunnar.
Frá aðgerðum lögreglunnar.
Skotmaðurinn sem var skotinn til bana í New York í morgun, eftir að hafa myrt tvo og sært níu, skaut fyrst yfirmanninn sinn sem hafði rekið hann úr vinnu á síðasta ári.. Þetta kemur fram á fréttavef New York Post þar sem einnig er rætt við sjónarvotta og særða.

Maðurinn virðist hafa elt yfirmann sinn niður að Empire State. Þar stöðvaði hann yfirmanninn og þeir rifust í stutta stund. Svo virðist hann hafa skotið manninn í höfuðið. Því næst gekk skotmaðurinn að byggingunni frægu og hóf skothríð á gangandi vegfarendur með þeim afleiðingum að einn lést og átta særðust. Svo virðist sem enginn hinna særðu sé í lífshættu.

Lögreglan kom fljótlega á vettvang og skutu manninn til bana úti á götu.

Lögreglan hefur lokað af hverfið sem hefur valdið gríðarlegum töfum á umferð á Manhattan. Borgarstjóri New York mun ávarpa borgarbúa innan skamms vegna málsins.


Tengdar fréttir

Fimm skotnir við Empire state bygginguna

Minnsta kosti fimm einstaklingar hafa verið skotnir fyrir utan Empire State bygginguna í New York en samkvæmt fréttastofunni CNN átti árásin sér stað fyrir um klukkan eitt í dag að íslenskum tíma, eða rúmlega níu um morguninn í New York.

Skotmaður drepinn - minnsta kosti tveir látnir

Óður skotmaður virðist hafa skotið að minnsta kosti tíu einstaklinga fyrir utan Empire State bygginguna í New York samkvæmt fréttastofunni CNN. Meðal annars skaut maðurinn gangandi vegfaranda í höfuðið sem hann elti uppi. Óvopnaður öryggisvörður elti manninn þegar hann ætlaði að flýja af vettvangi. Síðar kom lögreglan og virðist hún hafa skotið manninn til dauða.

Mest lesið


Fleiri fréttir

Sjá meira


×

Mest lesið