Bjór með pizza-bragði

Síðar á þessu ári kemur bjór með pizza-bragði á markað í Bretlandi. Það er bruggfyrirtæki í Bandaríkjunum sem bruggar bjórinn en hann hefur verið á markaði í Bandaríkjunum í fimm ár með góðum árangri. Í bjórnum eru tómatar og hvítlaukur ásamt kryddunum basil og oreganó.

Bruggarinn, Tom Seefurth, segir að bjórinn smakkist alveg eins og venjulegur bjór þegar hann er í munninum en um leið og honum er kyngt komi upp pizza-bragðið. „Besta leiðin til að lýsa þessu er eins og ef þú borðar heila pizzu og þambar svo heilt glas af bjór eftir það," segir hann.

Bjórinn heitir „The Mamma Mia!" og er alkóhólsmagnið í honum 4,7%. Bjórinn mun kosta í kringum 2 pund, eða 390 krónur.