Cameron ræðir fæðuskort með íþróttamönnum

David Cameron, forsætisráðherra Bretlands, mun funda með stjórnmálamönnum frá Brasilíu, Keníu og Indlandi ásamt nokkrum þekktum íþróttamönnum.

Fundarefnið er fæðuskortur í heiminum en skipuleggjendur fundarins vonast til að nýta þá athygli sem Bretland fær um þessar mundir vegna Ólympíuleikanna til að vekja athygli á vannæringu sem er landlæg víða um heim.

Á meðal þeirra afreksmanna sem koma að fundinum eru Gemma Gibbons, silfurverðlaunahafi í júdó, og Greg Rutherford en hann vann til gullverðlauna í langstökki.

Talið er að um þrjár milljónir barna muni þurfa að berjast við vannærinu á næstu árum.