Bretar ánægðir með Ólympíuleikana

Nýliðnir Ólympíuleikar í Lundúnum eru bestu Ólympíuleikar sögunnar. Þetta segir að minnsta kosti breska blaðið Daily Telegraph sem hefur skoðað fréttaumfjöllun miðla víða að úr heiminum um leikana.

Meðal annars er vísað í blaðið The Australian sem segir að Bretar eigi skilið gullverðlaun sem bestu gestgjafar á Ólympíuleikunum, Í Washington Post segir að Bretar hafi kynnt heiminum húmor og hugrekki og í kanadíska blaðinu National Post segir að Bretar hafi haldið Ólympíuleika sem auðvelt sé að muna eftir.

Eins og kunnugt er lauk Ólympíuleikunum í gær með mikilli tónlistarveislu, en þeir sem komu fram voru meðal annars George Micael, Spice Girls og Muse við mikla hrifningu viðstaddra.