Fagna nýju ári með varðeldum

Hundruð varðelda loga nú í kínversku borginni Xichang. Yi-þjóðflokkurinn fagnar nú nýju ári og kveður um leið ára og illa anda á brott.

Rúmlega fjögur hundruð þúsund ferðamenn og aðrir gestir eru nú staddir í borginni Xichang í suðvestur Kína. Um helgina hófst Kyndláhátíðin sem Yi-þjóðarbrotið heldur á hverju ári. Hátíðin hefst á tuttugasta og fjórða degi hins sjötta mánaðar og stendur í eina viku.

Hundruð varðelda voru kveiktir í borginni í gær. Þjóðsöngvar Yi-fólksins ómuðu um borgina á meðan fjöldinn dansaði í kringum vareldanna. Fegurðarsamkeppni, kappreiðar, nautaat og fleiri skemmtiatriði voru síðan á boðstólum. Kyndlahátíðin markar uppaf nýs árs í tímatali Yi-þjóðflokksins.

Uppruni hátíðarhaldanna sem slíkra er þó á huldu en talið er að bálköstunum sé ætlað að herkja ára og aðra illa vætti á brott sem að svo uppskerutíminn geti gengið í garð áfallalaust.