Fundu 5 kíló af fíkniefnum við leitina að Sigrid

Þótt leitin að hinni sextán ára gömlu Sigrid Schjetne í Osló hafi ekki skilað tilætluðum árangri, hefur hún ekki verið til einskis. Sigrid hefur verið saknað frá því aðfararnótt sunnudagsins í síðustu viku. Við leit að henni fundust fimm kíló af fíkniefnum sem eru tugmilljónavirði, að því er segir í norska blaðinu VG.

„Ég get staðfest að það fundust um fimm kíló af ætluðum fíkniefnum. Við rannsökum málið á hefðbundinn hátt," segir Hege Naustdal yfirlögregluþjónn við VG.

Sigrid er ennþá týnd en lögreglan hefur fengið yfir 1000 vísbendingar um hvarf hennar. Talið er fullvíst að hvarf hennar hafi borið að með saknæmum hætti.