Sprengjuárás í höfuðborg Sýrlands

Mikil sprenging varð í höfuðborg Sýrlands, Damaskus, í dag. Sprengjuárásin var nærri hóteli sem hefur verið notað að undanförnu af starfsmönnum Sameinuðu Þjóðanna.

Ekki er vitað hvert skotmark árásarinnar var en fregnir hafa borist af því að þrír menn hafi slasast, engin af þeim starfsmaður Sameinuðu Þjóðanna.

Á sama tíma geisa bardagar milli uppreisnarmanna og stjórnarhersins annars staðar í borginni.

Einn af leiðtogum uppreisnarmanna hefur lýst yfir ábyrgð á sprengingunni og sagt að henni hafi verið beint gegn hermönnum stjórnarhersins. Þetta hefur ekki fengist staðfest.

BBC segir frá.