Skip Robert Falcon Scotts fundið við Grænland

Hópur fræðimanna rannsakar nú skipsflak sem fannst undan suðvesturströnd Grænlands fyrir nokkru. Grunur leikur á að flakið sé hið fornfræga SS Terra Nova sem flutti breska landkönnuðinn Robert Scott að Suðurskautinu fyrir rúmri öld síðan.

Scott hafði brennandi áhuga á Suðurskautinu og dreymdi að ganga á Suðurpólinn fyrstur manna. Hann deildi þessum draumi með Norðmanninum Roald Amundsen.

Árið 1911 lagði Terra Nova úr höfn í Cardiff. Um borð var Scott ásamt föruneyti. Ári seinna gengu mennirnir á land á Suðurskautinu. Það kom þó fljótt á daginn að Norðmaðurinn Roald hafði þegar náð á pólinn, mönnum Scotts til mikillar armæðu.

Scott og félagar hans létust síðan allir úr kulda og vosbúð á bakaleiðinni. Ævintýrum skipsins lauk þó ekki þá. Í fyrra stríði ferjaði það vistir milli vígstöðva en árið 1942 var það keypt af fjársterkum ævintýramönnum sem höfðu augastað á Nýfundnalandi.

Árið 1943 lenti skipið í hremmingum af völdum hafíss. Skipverjum var bjargað, en ákveðið var að sökkva skipinu. Staðsetning flaksins hefur verið á huldu síðan þá.

Í síðasta mánuði fann hópur vísindamanna skipið síðan undan ströndum Grænlands. Stefnt er að því að Terra Nova á þurrt land.