Assange með yfirlýsingu í dag

Búist er við því að Julian Assange, forsprakki Wikileaks, gefi út yfirlýsingu í dag á tröppum sendiráðs Ekvadors í Lundúnum klukkan eitt í dag. Mál hans hefur vakið harðar deilur en Assange, sem átti að framselja til Svíþjóðar frá Bretlandi, fékk á dögunum pólitískt hæli í Ekvador.

Í Svíþjóð er hann sakaður um kynferðislega áreitni en þeim ásökunum neitar hann staðfastlega. Hann óttast hinsvegar að verða framseldur frá Svíþjóð til Bandaríkjanna og því hefur hann neitað að mæta til yfirheyrslu. Assange hefur verið varaður við því af breskum yfirvöldum að hann verði handtekinn láti hann sjá sig utan sendiráðsins.