Segir breska lögreglu hafa farið inn í sendiráðið í vikunni

Stofnandi WikiLeak, Julian Assange, hélt ræðu á svölum sendiráðs Ekvadors í Lundúnum í dag. Þar sagði hann meðal annars að breska lögreglan hefði farið inni í sendiráðið á miðvikudagskvöldinu vegna ótilgreindrar ógnar. Assange segist hafa heyrt í lögreglumönnum í brunastiganum inni í húsinu á leiðinni upp á hæðina til hans.

Hann segir að það sem hafi orðið honum til happs hafi verið stuðningsmenn hans sem tóku sér stöðu fyrir utan sendiráðið sama kvöld. Þess vegna hafi hann ekki verið handtekinn og færður í breskt fangelsi.

Ekvador hefur eins og kunnugt er veitt Assange pólitískt hæli en breskir dómstólar úrskurðaðu að framselja ætti Assange til Svíþjóðar vegna kynferðisbrota. Assange óttast að hann verði framseldur frá Svíþjóð til Bandaríkjanna. Í ræðu sinni hvatti hann forseta Bandaríkjanna til þess að láta af nornaveiðum sínum og kúgunartilburðum auk þess sem hann þakkaði forseta Ekvador fyrir að hafa veitt sér hæli.