Zlatan: PSG er mun betra lið en AC Milan

Paris Saint-Germain lauk æfingaferð sinni í Bandaríkjunum með 1-1 jafntefli við DC United í Washington.

Zlatan Ibrahimovic var rétt um tvær mínútur að opna markareikning sinn fyrir PSG en hann gerði fyrsta mark leiksins. DC United náði síðar að jafna metin og því lauk leiknum með jafntefli.

„Þetta var fínt mark, ég fékk frábæra sendingu og náði að nýta mér það," sagði Zlatan Ibrahimovic eftir leikinn.

„Ég tel að þetta lið sé betra en AC Milan en við þurfum að vinna töluvert í okkar leik til þess að komast á par við þau allra bestu í heiminum."

Hægt er að sjá myndband af markinu og viðtalinu við Zlatan hér að ofan.