Enn leggja Ítalir Þjóðverja að velli á stórmóti | Myndasyrpa

Þýska karlalandsliðinu í knattspyrnu hafði ekki tekist að leggja Ítali að velli á stórmóti fyrir viðureign sína gegn Ítölum í kvöld. Á því varð engin breyting og Ítalir tryggðus sér sæti í úrslitaleiknum gegn Spánverjum á sunnudag.

Mario Balotelli skoraði tvívegis í fyrri hálfleik og Ítalir leiddu í hálfleik. Mesut Özil minnkaði muninn fyrir þá þýsku með marki úr vítaspyrnu í viðbótartíma en markið kom of seint.

Ítalir fögnuðu sigrinum í Varsjá vel og innilega en vonbrigði Þjóðverja voru að sama skapi mikil. Myndir frá atburðarásinni og stuðningsmönnum í heimalandinu má sjá í myndasyrpunni hér fyrir ofan.