Tekur við Nóbelsverðlaunum, 21 ári eftir að hún fékk þau

Aung Suu Kyi leiðtogi stjórnarandstöðunnar í Búrma fær loksins tækifæri á laugardaginn kemur til að taka við friðarverðlaunum Nóbels 21 ári eftir að hún hlaut verðlaunin.

Í millitíðinni hefur Suu Kyi dvalið meir og minna í stofufangelsi í heimalandi sínu. Verðlaunin fékk hún á sínum tíma fyrir baráttu sína fyrir mannréttindum.

Suu Kyi er nú í 16 daga heimsón til nokkurra Evrópulanda en þetta er aðeins í annað sinn síðan árið 1988 að hún getur yfirgefið Búrma.

Auk Nóbelsverðlaunana mun hún einnig taka við friðarverðlaunum Evrópuþingsins sem hún hlaut árið 1991 eða sama ár og Nóbelsverðlaunin.