Messi fær Gullskóinn þetta tímabilið

Það hefur nú verið staðfest að Argentínumaðurinn Lionel Messi hjá Barcelona fær Gullskóinn svokallaða þetta árið sem markahæsti leikmaður álfunnar.

Messi skoraði 50 deildarmörk á Spáni sem gefur honum 100 stig á listanum. Annar varð Cristiano Ronaldo, leikmaður Real Madrid, sem skoraði 46 mörk.

Ronaldo var reyndar með forystu í þessari keppni lengst af en Messi tók fram úr honum með því að skora níu mörk í síðustu fjórum deildarleikjum Barcelona.

Robin van Persie, framherji Arsenal, varð þriðji með 30 mörk og 60 stig. Klaas-Jan Huntelaar hjá Schalke kom svo næstur með 29 mörk og þeir Zlatan Ibrahmovic (AC Milan, 28 mörk) og Wayne Rooney (Manchester United, 27 mörk) þar á eftir.

Efstu tíu:

Lionel Messi, Barcelona 50 mörk/100 stig

Cristiano Ronaldo, Real MAdrid 46/92

Robin Van Persie, Arsenal 30/60

Klaus Jan-Huntelaar, Schalke 39/58

Zlatan Ibrahimovic, AC Milan 28/56

Wayne Rooney, Manchester United 27/54

Mario Gomez, Bayern München 26/52

Burak Yilmaz, Trabzonspor 32/48*

Bas Dost, Heerenveen 32/48*

Radamel Falcao, Atletico Madrid 24/48

Diego Milito, Inter 24/48

*Mörk í tyrknesku og hollensku deildunum gefa aðeins 1,5 stig.