Romney með forskot á Obama í nýrri skoðanakönnun

Ný skoðanakönnun á vegum Gallup sýnir að Mitt Romney hefur forskot á Barack Obama Bandaríkjaforseta í röðum skráðra kjósenda í Bandaríkjunum. Romney mælist með 47% fylgi en Obama með 45%.

Í sambærilegri könnun sem Gallup gerði í síðasta mánuði var Obama hinsvegar með forskot á Romney en þá mældist forsetinn með 49% fylgi á móti 45% hjá Romney.

Mitt Romney telur sig sigurstranglegan í komandi forsetakosningum og í gærkvöldi sagði hann á framboðsfundi að Obama ætti að byrja strax að pakka niður í ferðatöskur sínar í Hvíta húsinu.