Vísindamenn þróa GPS tækni fyrir geimför

Þýskir vísindamenn eru nú að þróa nýja GPS staðsetningartækni fyrir geimför sem fara út fyrir sólkerfi okkar.

Viðmiðunarpunktar fyrir þetta kerfi yrðu svokallaðar tifstjörnur eða pulsars en það eru útbrunnar mjög þéttar stjörnur sem senda frá sér sterkar og tíðar rafsegulbylgjur. Tíðni þessara bylgja er svo stöðug að hægt er að stilla atómklukkur eftir þeim.

Tifstjörnur finnast um allt í alheiminum og þýsku vísindamennirnir segja að með því að nota þær sem viðmiðunarpunkta sé hægt að staðsetja geimfar hvar sem er í alheiminum með skekkjumörkum upp á aðeins fimm kílómetra.