Erlent

Kutcher mun fara með hlutverk Steve Jobs

Kutcher mun vafalaust taka sig vel út í rúllukragapeysunni.
Kutcher mun vafalaust taka sig vel út í rúllukragapeysunni. mynd/AP
Bandaríski leikarinn Ashton Kutcher mun fara með hlutverk frumkvöðulsins Steve Jobs í væntanlegri kvikmynd.

Í myndinni verður gert grein fyrir uppvaxtarárum Jobs og hvernig honum tókst að gera Apple að einu stærsta tæknifyrirtæki sögunnar.

Nú þegar er önnur kvikmynd í farvatninu sem fjallar um ævi Steve Jobs. Það er kvikmyndafyrirtækið Sony Pictures Studio sem sér um framleiðslu hennar en hún byggir á ævisögu Walter Isaacson um Steve Jobs.

Steve Jobsmynd/AFP
Kutcher er ekki ókunnugur tæknigeiranum en hann hefur fjárfest í fyrirtækjum eins og Foursquare og Skype. Hann hefur einnig verið áberandi á samskiptasíðum. Þá var hann fyrsti notandi samskiptasíðunnar Twitter til að fá milljón fylgjendur.

Ekki hefur verið gefið upp hvenær kvikmyndin verður frumsýnd en leikstjóri hennar er Joshua Michael Stern.

Mest lesið


Fleiri fréttir

Sjá meira


×

Mest lesið