Upptökur af morðunum fóru á fjölmiðla

Mohamed Merah, sem myrti sjö manns í Frakklandi, kvikmyndaði morðin og sá til þess að upptökur færu á Al Jazeera fréttastöðina. Merah drap þrjá hermenn, rabbína og þrjú börn.

Haft er eftir heimildarmanni hjá frönsku lögreglunni að á myndskeiðunum sjáist morðin og tónlist spiluð undir ásamt upplestri úr Kóraninum, helgiriti múslima. Upptökurnar voru sendar á ritstjórn Al Jazeera í París en ekki liggur fyrir hvort það var Merah sjálfur eða einhver vitorðsmaður hans sem sendi þær.

Lögreglan réðst til atlögu við Merah á fimmtudaginn og var hann þá drepinn.