Fjöldamorðinginn í Toulouse kvikmyndaði ódæðisverk sín

Fjöldmorðinginn í Toulouse, Mohammed Merah, kvikmyndaði ódæðisverk sín og sendi upptökurnar til arabísku sjónvarpsstöðvarinnar al-Jazeera.

Stöðin hefur látið frönsku lögregluna fá eintak af þessum upptökum. Upptökurnar voru sendar til skrifstofu al-Jazeera í París en ekki er vitað hvort Merah sendi þær sjálfur þangað eða vitorðsmaður hans.

Eins og kunnugt er drap Merah sjö manns, þar af þrjú börn, áður en hann var sjálfur felldur í árás sérsveitar lögreglunnar eftir langt umsátur í síðustu viku.