Flugstjóri sturlaðist um borð í farþegaþotu á leið til Las Vegas

Flugstjóri um borð í farþegaþotu JetBlue flugfélagsins sturlaðist um borð þegar þotan var á leið til Las Vegasí gær. Farþegar þurftu að yfirbuga flugstjórann.

Frásagnir af þessum atburði eru dramatískar. Þotan var á leið frá John F. Kennedy flugvellinum í New York til Las Vegas þegar farþegar hennar sáu flugstjórann koma öskrandi út af einu klósettanna um að þotan væri að hrapa. Hann öskraði einnig nöfnin al-káida og hryðjuverkamenn.

Flugstjórinn var læstur úti úr flugstjórnarklefanum en reyndi ákaft að brjóta dyrnar að klefanum niður. Flugfreyjurnar báðu þá farþega um aðstoð. Fjórir þeirra, þar á meðal fyrrum lögreglumaður og fyrrum fangavörður svöruðu kallinu. Til átaka kom en farþegunum tókst að ráða niðurlögum flugstjórans með því að fangavörðurinn lét hann missa meðvitund með svokölluðu kæfingartaki.

Á meðan á þessum átökum stóð nauðlenti aðstoðarflugstjórinn þotunni í Amarillo þar sem flugstjórinn var handtekinn.

Farþegar þotunnar voru á leið á alþjóðlega öryggisráðstefnu í Las Vegas.