Flugfreyja fríkaði út: Sagði flugvélina vera að hrapa

Það varð uppi mikið fjaðrafok á alþjóðaflugvellinum í Dallas í gær þegar flugfreyja á vegum flugfélagsins American Airline tilkynnti farþegum sínum rétt fyrir flugtak að flugvélin myndi hrapa og nefndi í sömu andrá hryðjuverkaárásir.

Það voru farþegar og aðrir áhafnarmeðlimir sem yfirbuguðu hana en tvær konur hlutu áverka í átökunum. Flugfreyjan lét öllum illum látum þegar lögreglu bar að en hún fékk fylgd þeirra á geðsjúkrahús.

Flugvélin sem var á leið til Chicago fór í loftið um einum og hálfum tíma eftir atvikið en skipta þurfti um flugáhöfn og róa farþega, sérstaklega þá alla yngstu, niður.