Grunur að olía leki úr gámaskipi nærri ströndum Noregs

Gámaskip strandaði skammt frá suðvesturströnd Noregs í gær en grunur leikur á að skipið leki olíu. Samkvæmt AP fréttastofunni var skipið með 280 þúsund lítra af olíu um borð og 67 þúsund lítra af dísel. Fjórtán manna áhöfn sem var frá Rússlandi, Filippseyjum og Úkraníu. Enginn þeirra slasaðist við strandið.

Strandstaðurinn er um 270 kílómetrum norðan við Bergen í Noregi. Talsmaður björgunaraðgerða á svæðinu segir að það sé ekki hætta á því að skipið sökkvi, þá sé verið að reyna fá það staðfest hvort olía hafi lekið í sjóinn, en sjáanleg olíubrák sé á svæðinu.

Ekki er ljóst hvað olli strandi skipsins, sem er 123 metra langt.